#1 Norður Korea
Forfylgingin
Uppruni til forfylging
Diktatoriskt paranoia og kommunistisk kúgan
Tal á íbúgvum
26,3 mió
Tal á kristnum
400.000
Høvuðsátrúnaður
Agnostisisma
Leiðari
Kim Jong-un
Støða á WWL
98%
Hvussu verða tey forfylg?
Hvussu sær forfylgingin út í Norðurkorea? Verður kristna trúgv tín avdúkað í Norðurkorea, kanst tú verða dripin á staðnum. Verður tú ikki dripin, verður tú sendur í arbeiðslegu og viðfarin sum politiskur brotsmaður. Tú verður revsaður við fleiri ára tungum tvingsilsarbeiði, sum fá yvirliva. Tað ert ikki bert tú sjálvur, sum verður revsaður, nei, norðurkoreanskir myndugleikar fara helst eisini eftir tínum næstu og revsa eisini tey, hóast tey ikki eru kristin.
Tað finst einki alment kirkjulív í Norðurkorea. Tað er ógjørligt at savnast til gudstænastu ella bøn. Loynilig gudstænastu- og bønasavnastøð eru í stórum vanda. Njósnarar frá tí stjórnini kunnu melda teg, um teir fáa varhugan av, at tú ert kristin – og tað sama kunnu grannar ella lærarar í skúlum gera.
At viðurkenna nakran gud annan enn Kim-familjuna verður roknað sum hóttan móti leiðsluni í landinum. “Lógin móti afturhaldshugsanum” varð sett í gildi í desember 2020. Hetta gjørdi tað enn greiðari, at tað at vera kristin ella at eiga eina Bíbliu er álvarslig brotsgerð, sum verður revsað harðliga. Hóast nøkur fá kirkjuhús finnast fyri útlendingar í høvuðsstaðnum Pyongyang, eru tey bert propaganda og eru ikki tekin um nakað veruligt trúarfrælsi í landinum.
Heldur ikki norðurkoreanarar, ið eru flýddir av landinum, eru tryggir. Flóttafólk í øðrum londum, serliga í Kina, eru í vanda fyri at verða tikin og send heimaftur til ræðulig revsing. Kinesiskir njósnarar samstarva við norðurkoreanskar myndugleikar um at senda flóttafólk, eisini kristin, heimaftur. Verður tað avdúkað, at ein norðurkoreanari er vorðin kristin, hevur hoyrt evangeliið ella hevur havt samband við kristin, verður viðkomandi serliga hart revsaður.
Hvør er serliga útsettur fyri atsókn? Øll kristin í Norðurkorea eru serliga útsett fyri ógvusligari atsókn frá tí totaliteru stjórnarskipanini í landinum. Markið móti Kina hevur í áravís veri sera vandamikið, vegna støðugu ferðsluna av flóttafólki – og seinastu tiltøkini at verja markið hava gjørt tað enn torførari at flýggja.
bið fyri NorðurKorea
Biðið at Gud gevur kristnum – bæði í og uttan fyri Norðurkorea – eygu til at síggja ljós sítt mitt í myrkrinum.
Bið fyri teimum umleið 400.000 loyniligu trúgvandi í Norðurkorea, at Gud ger tað møguligt fyri tey at kunna tilbiðja saman við øðrum kristnum.
Biðið um, at Gud skal endurnýggja djørv trúgvandi við sínum friði.
