#6 Eritrea
Forfylgingin
Uppruni til forfylging
Diktatoriskt paranoia, kirkulig atsókn, skipaður kriminalitetur og korruptión
Tal á íbúgvum
3.8 milliónir
Tal á kristnum
1.7 milliónir
Høvuðsátrúnaður
Islam
Leiðari
Forsetin, Isaias Afewerki
Støða á WWL
89%
Hvussu verða tey forfylg?
Kristin í Eritrea, sum hoyra til ein trúarbólk, ið ikki fylgir siðbundnu læruni, verða bæði jagstrað og forfylgd av stjórnini og ortodoksu kirkjuni í Eritrea (EOC). Ortodoksa, Katólska og Lutherska kirkjan eru einastu kristnu trúarbólkar, sum eru viðurkendir av stjórnini, og tó verða kirkjurnar strangliga stýrdar av makthavarunum.
Myndugleikarnir hava eftirlit við telefonsamrøðum, kirkjuvirksemi og standa aftanfyri óteljandi álop á tey kristnu. Kristin, ið hava vent um frá islam ella ortodoksu kirkjuni, verða ofta noktað atgongd til neyðugar tænastur frá tí almenna. Trúgvandi kunnu verða handtikin og fongslað uttan nakað rættarmál, og mong kristin verða hildin í ómenniskjansligum fongslum fyri sína trúgv – og ofta vita familjur teirra ikki, um tey framvegis liva ella ei.
Ólíkt flestu londum, so eru kvinnurnar í Eritrea undirlagdar kravda hertænastu. Kristnar kvinnur, ið verða innkallaðar til hertænastu, verða útsettar fyri kvinnukúgan og harðskapi. Ofta verða tær handtiknar og fongslaðar og uppliva ógvusligan harðskap frá fangavørðunum. Kristnar kvinnur uppliva likamligan ágang, at tær missa foreldramyndugleikan og verða noyddar til hjúnaskilnað – og móti hesum er lítil og ongin lóglig vernd.
“Í fongslinum var eitt av mínum høvuðsendamálum at boða gleðiboðskapin,”
– sigur Musse*, ein trúgvandi, fongslaður fyri sína trúgv.
Bið fyri eritrea
Eritrea hevur eitt av teimum mest illgitnu fongsulsnetverkunum í heiminum. Biðið fyri fongslaðum trúgvandi – at tey ikki missa vónina. Bið um, at tey verða leyslatin beinanvegin.
Biðið fyri teimum trúgvandi, sum verða noydd í hertænastu móti sínum vilja. Bið Gud verja tey og vegleiða tey hvussu tey skulu liva eftir trúnni.
Bið fyri familjunum hjá teimum handtiknu. Børn vaksa upp uttan at kenna mammu ella pápa sín. Bið um, at Gud skal veita teimum tað teimum tørvar.
