23. oktober 2025
ISIS hóttir í Afrika
Vit ynskja hvørki at skapa ótta – ella at fremja islamistiska propaganda.
Tá vit tó skriva hetta uppslagið, er tað tí, tað vísir, at islamistar í Afrika fara beinleiðis eftir teim kristnu og í veruleikanum geva teimum einans trinni val: At venda um til islam, gjalda ella doyggja.
Tann islamistiski bólkurin ISIS hevur almannakunngjørt eina plakat við einari greiðari ávaring til tey kristnu í Afrika:
“Um kristin í Afrika ynskja at liva í tryggleika og sleppa undan drápunum, skulu tey vita, at okkara reina islam gevur teimum frælsi at velja millum trýggjar møguleikar.
Fyri tað fyrsta: Islam – og harvið gerast okkara brøður í iman [trúnni] við somu rættindum og skyldum.
Fyri tað næsta: At gjalda jizya [høvuðsskatt] í eyðmýking og undirgivni – og harvið vera spard blóð sítt og liva trygt í bygdum sínum.
Og fyri tað triðja: Um tey nokta bæði islam og jizya – so deyði og útlegd, sum tey hava upplivað og liðið undir í mong ár.”
Við hesum váttar ISIS:
- at teirra ætlan er at gera álop á kristin í Afrika
- at átrúnaður er orsøkin til tey mongu álopini móti kristnum.
Nógv halda annars, at tað er mangul uppá land, fátækt, turrkur, hungur, veðurlagsbroytingar o.s.fr. sum eru orsøkirnar til mongu harðligu álopini í Afrika sunnanfyri Sahara. Eisini heldur stjórnin í Nigeria uppá hetta – hóast Nigeria er tað landið, har flest álop á kristin henda.
Men her fáa vit so eina greiða útsøgn frá sjálvum gerningsmonnunum um, at átrúnaður er høvuðsorsøkin til, at serliga kristin verða rakt.
Stuðla kristnum í Afrika – skriva undir, at teirra rættindi skulu verjast:
Tíðindi
Grødd eftir ræðuleikar
Aftaná at Rikfatu var rænd og harðliga neyðtikin, gjørdist hon vónleys. Takkað veri umsorganini og samkensluni...
Hvør er støðan hjá Open Doors til amerikansku hóttanina um hernaðarlig tiltøk?
Nú forfylging av kristnum í Nigeria er komin í brennidepilin í mongum miðlum, eftir tað sum Trump segði í viku...
8 ting tú skalt vita um harðskapin í Nigeria
Hvat er tað, sum hendir í Nigeria? Harðskapurin móti kristnum er ógvusligur og við mongum og títtum álopum á b...
